„კლინიკა მედინა“ ახალშობილზე, რომელიც სანიტარმა საპირფარეშოში გააჩინა და შემდეგ მკვლელობა სცადა - მდგომარეობა კვლავ მძიმეა, ახალშობილს პრობლემები თავის ტვინზე უფიქსირდება
ბათუმში მდებარე „კლინიკა მედინას“ ინფორმაციით, ახალშობილის მდგომარეობა, რომელიც სანიტარმა საპირფარეშოში გააჩინა და შემდეგ მკვლელობა სცადა, კვლავ მძიმედ ფასდება. კლინიკის ცნობით, ახალშობილს ძირითადი პრობლემები თავის ტვინზე უფიქსირდება.
„მიუხედავად ჩატარებული მრავლობითი ქირურგიული ჩარევებისა და ინტენსიური თერაპიისა, ახალშობილის მდგომარეობა ამ ეტაპზე რჩება უკიდურესად მძიმე. პაციენტი იმყოფება რეანიმაციულ განყოფილებაში და აგრძელებს სიცოცხლის შემანარჩუნებელ მკურნალობას. პროცესში ჩართულნი არიან შესაბამისი დარგის ექსპერტები. ექიმები აგრძელებენ ყველა შესაძლო ღონისძიებას პაციენტის სიცოცხლისა და ჯანმრთელობის დასაცავად”, - აცხადებენ კლინიკაში.
