დიდი ბრიტანეთი აშშ-ს ბრიტანული სამხედრო ბაზებიდან თავდაცვითი ზომების მიღების უფლებას მისცემს.

შესაბამისი განცხადება ბრიტანეთის პრემიერ-მინისტრმა კირ სტარმერმა სოციალურ მედიაში ვიდეომიმართვაში გააკეთა.

ის ადასტურებს, რომ დიდი ბრიტანეთი ჯერ კიდევ არ არის ჩართული ირანზე მიმდინარე აშშ-ისრაელის თავდასხმებში. თუმცა, სტარმერი აშშ-ს მიერ დიდი ბრიტანეთის სამხედრო ბაზების გამოყენების ნებართვაზე საუბრობს.

„ჩვენმა პარტნიორებმა ყურეში გვთხოვეს, რომ მეტი გავაკეთოთ მათ დასაცავად და ჩემი მოვალეობაა, დავიცვა ბრიტანელების სიცოცხლე.ჩვენ გვყავს ბრიტანული თვითმფრინავები ჰაერში კოორდინირებული თავდაცვითი ოპერაციების ფარგლებში, რომლებმაც უკვე წარმატებით ჩაახშეს ირანის თავდასხმები", - აცხადებს სტარმერი.

დიდი ბრიტანეთის პრემიერის თქმით, საფრთხის შესაჩერებლად ერთადერთი გზა რაკეტების განადგურებაა წყაროში - „მათი საწყობები ან გამშვები მოწყობილობები, რომლებიც გამოიყენება რაკეტების გასასროლად".

„აშშ-მ მოითხოვა ნებართვა ბრიტანული ბაზების გამოყენების შესახებ ამ კონკრეტული და შეზღუდული თავდაცვითი მიზნებისთვის. ჩვენ მივიღეთ გადაწყვეტილება, დავაკმაყოფილოთ ეს მოთხოვნა, რათა თავიდან ავიცილოთ ირანის მიერ რაკეტების გაშვება რეგიონში, უდანაშაულო მშვიდობიანი მოსახლეობის მკვლელობა, ბრიტანელების სიცოცხლის საფრთხეში ჩაგდება და ქვეყნებზე დარტყმა, რომლებიც არ არიან ჩართულნი", - განაცხადა სტარმერმა.