ისრაელის თავდაცვის ძალებმა ლიბანში ათობით ლოკაციისთვის, მათ შორის ბეირუთის სამხრეთით მდებარე ორი უბნის მაცხოვრებლებისთვის, ევაკუაციის ბრძანება გასცა.

„სასწრაფო გაფრთხილება ლიბანის მაცხოვრებლებისთვის, განსაკუთრებით იმ სოფლებში მცხოვრებებისთვის, რომელთა სახელებიც მითითებულია. თქვენი უსაფრთხოებისთვის, დაუყოვნებლივ უნდა დატოვოთ თქვენი სახლები“, - ნათქვამია თავდაცვის ძალების განცხადებაში, სადაც 50 ლოკაციაა დასახელებული.

ამასთან, თავდაცვის ძალებმა ევაკუაციისკენ მოუწოდა ბეირუთის სამხრეთით მდებარე უბნების, გობეირის და ჰარეთ ჰრეიკის, მაცხოვრებლებს.

„თქვენ იმყოფებით ჰეზბოლას ობიექტებთან და ინტერესებთან ახლოს, რომელთა წინააღმდეგაც ისრაელის თავდაცვის ძალები უახლოეს მომავალში იმოქმედებს“, - აღნიშნულია განცხადებაში.