აშშ-ში დაფუძნებული ადამიანის უფლებათა დამცველი აქტივისტების საინფორმაციო სააგენტოს (HRANA) ინფორმაციით ირანში 28 თებერვლის შემდეგ 1097 სამოქალაქო პირი დაიღუპა.

დაღუპულთა შორის 181 10 წელზე ქვემოთ ასაკის ბავშვია. მათივე ცნობით, სამოქალაქო პირებში დაშავებულთა რაოდენობამ 5 402-ს მიაღწია, მათ შორის 100 ბავშვია.

HRANA-ს მონაცემებით, მხოლოდ უკანასკნელი 24 საათის განმავლობაში ირანზე სულ მცირე 104 თავდასხმა განხორციელდა, დარტყმები განხორციელდა სამხედრო ბაზებზე, სამედიცინო ცენტრებსა და საცხოვრებელ ტერიტორიებზე.