თურქეთის პრეზიდენტი რეჯეფ თაიფ ერდოღანი ირანს პროვოკაციული ნაბიჯებისგან თავშეკავებისკენ მოუწოდებს.

თურქეთის პრეზიდენტმა განცხადება მას შემდეგ გააკეთა, რაც დღეს ირანიდან გაშვებული ბალისტიკური რაკეტა თურქეთის საჰაერო სივრცეში ნატო-ს თავდაცვის სისტემებმა გაანეიტრალეს.

„ჩვენი გულწრფელი გაფრთხილებების მიუხედავად, კვლავ ხდება ისეთი ნაბიჯების გადადგმა, რომლებიც თურქეთთან მეგობრობას დააზიანებს და რომლებიც უკიდურესად პროვოკაციულია“, - განაცხადა ერდოღანმა.

თურქეთის თავდაცვის სამინისტროს ცნობით, ნატო-ს თავდაცვის სისტემების მიერ მოგერიებული ირანული რაკეტის ზოგიერთი ფრაგმენტი სამხრეთ გაზიანტეპში, ღია ტერიტორიაზე ჩამოვარდა, თუმცა არავინ დაშავებულა.