ისრაელი ირანში ომის მიზნების მიღწევის დადგენილ გრაფიკს უსწრებს, - ამის შესახებ საფრანგეთში ისრაელის ელჩმა, ჯოშუა ზარკამ განაცხადა.

„როდესაც ამ ომის დაწყებისას მისი ხანგრძლივობის შესახებ შეკითხვა დაგვისვეს, ჩვენი პასუხი იყო, რომ ის რამდენიმე კვირას გაგრძელდებოდა. ეს არ შეცვლილა. ჩვენ ომის მიზნების მიღწევის დადგენილ გრაფიკს ვუსწრებთ“, - განაცხადა საფრანგეთში ისრაელის ელჩმა.

ზარკა ირანის ახალ უზენაეს ლიდერად აიათოლა მოჯთაბა ხამენეის დანიშვნას გამოეხმაურა და აღნიშნა, რომ ის ისრაელის სამიზნეთა სიაში იქნება.

„თუ ის მამამისის პოზიციებს მიჰყვება, მაშინ იმ პირთა სიაში იქნება, რომელთა ლიკვიდაციაც უნდა განხორციელდეს“, - აღნიშნა ელჩმა.