რუსეთი ცდება თუ ჰგონია, რომ ირანში ომი მას ამოსუნთქვის საშუალებას მისცემს, მოსკოვის მიმართ სანქციების პოლიტიკას არ გადავხედავთ, - ამის შესახებ საფრანგეთის პრეზიდენტმა, ემანუელ მაკრონმა პარიზში უკრაინის პრეზიდენტ, ვოლოდიმირ ზელენსკისთან გამართულ ერთობლივ პრესკონფერენციაზე განაცხადა.

მისი თქმით, ნავთობზე მზარდი ფასების კონტექსტმა არანაირად არ უნდა მიგვიყვანოს რუსეთის მიმართ სანქციების გადახედვისკენ.

„ეს არის პოზიცია, რომელიც „დიდ შვიდეულს“ ჰქონდა, და, რა თქმა უნდა, ეს საფრანგეთისა და ევროპის პოზიციაა“, - განაცხადა მაკრონმა.