საფრანგეთი მზადაა ისრაელსა და ლიბანს შორის მოლაპარაკებებს ხელი შეუწყოს, - ამის შესახებ საფრანგეთის პრეზიდენტი, ემანუელ მაკრონი სოციალურ ქსელში წერს.

ემანუელ მაკრონის ცნობით, ლიბანის პრეზიდენტს, პრემიერ-მინისტრსა და პარლამენტის თავმჯდომარეს ესაუბრა.

„ლიბანის მთავრობამ ისრაელთან პირდაპირი მოლაპარაკებების გამართვის მზადყოფნა გამოთქვა“, - წერს მარკონი X-ზე.

მისი თქმით, მზადაა მოლაპარაკებებს პარიზში უმასპინძლოს.

„ისრაელმა ფართომასშტაბიან შეტევაზე უარი უნდა თქვას და ფართომასშტაბიანი დარტყმები შეწყვიტოს. „ჰეზბოლამ“ ვითარების სახიფათო ესკალაცია უნდა შეწყვიტოს“, - აცხადებს მარკონი.

ცნობისთვის, ლიბანის ხელისუფლების ინფორმაციით, ისრაელსა და „ჰეზბოლას“ შორის კონფლიქტის განახლების შემდეგ ლიბანში ისრაელის დარტყმების შედეგად 770-ზე მეტი ადამიანი დაიღუპა.