ფილარმონიიდან პარლამენტის მიმართულებით, ლოზუნგით „თავისუფლება სინდისის პატიმრებს - მადლობა ბრძოლისთვის“ საპროტესტო მსვლელობა მიმდინარეობს.

მოქალაქეები თავდაპირველად ფილარმონიის მიმდებარედ შეიკრიბნენ, საიდანაც მარშით საკანონმდებლო ორგანოსკენ დაიძრნენ. მათ ადგილზე მიტანილი აქვთ საქართველოსა და ამერიკის შეერთებული შტატების დროშები, ასევე ბანერები, რომლითაც აქციების დროს დაკავებულების გათავისუფლებას მოითხოვენ.

პარლამენტთან ისინი პროტესტის სხვა მონაწილეებს შეუერთდებიან და აქცია დღეს სწორედ საკანონმდებლო ორგანოსთან დასრულდება.

მოქალაქეების მოთხოვნა უცვლელია - გათავისუფლდნენ აქციების დროს დაკავებულები და დაინიშნოს ახალი საპარლამენტო არჩევნები.