ემანუელ მაკრონი კატარის ამირასა და დონალდ ტრამპს ესაუბრა. საფრანგეთის პრეზიდენტის, ემანუელ მაკრონის ცნობით, ირანსა და კატარში ბუნებრივი აირის ობიექტებზე განხორციელებული დარტყმების შემდეგ კატარის ამირას, შეიხ თამიმ ბინ ჰამად ალ-თანისა და აშშ-ის პრეზიდენტს, დონალდ ტრამპს ესაუბრა.

„ჩვენს საერთო ინტერესებში შედის, რომ დაუყოვნებლივ გამოვაცხადოთ მორატორიუმი სამოქალაქო ინფრასტრუქტურის, კერძოდ, ენერგეტიკული და წყალმომარაგების ობიექტების წინააღმდეგ განხორციელებულ დარტყმებზე“, - წერს მაკრონი X-ზე.

მაკრონის განცხადებით, „მშვიდობიანი მოსახლეობა და სამოქალაქო ინფრასტრუქტურის ობიექტები სამხედრო ესკალაციისგან დაცული უნდა იყოს“.