კაია კალასის განცხადებით, ევროკავშირს ინსტრუმენტები აქვს, რათა უნგრეთის ვეტო დაძლიოს და უკრაინისთვის 90 მილიარდი ევროს ოდენობის სესხი გამოყოს
საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის, კაია კალასის განცხადებით, ევროკავშირს ინსტრუმენტები აქვს, რათა უნგრეთის ვეტო დაძლიოს და უკრაინისთვის 90 მილიარდი ევროს ოდენობის სესხი გამოყოს.
კაია კალასმა ბრიუსელში ევროპული საბჭოს სამიტის დაწყებამდე განაცხადა, რომ „ოპტიმისტურად არის განწყობილი“ და უნგრეთის პრემიერ-მინისტრთან, ვიქტორ ორბანთან შეთანხმების მიღწევა მოხერხდება.
„ვნახოთ, რა მოხდება. ალტერნატივები არსებობს, მაგრამ ამას ყველა ჩვენგანისგან პოლიტიკური გამბედაობა სჭირდება“, - აღნიშნა კაია კალასმა.
კაია კალასმა ახლო აღმოსავლეთში არსებული ვითარების შესახებაც ისაუბრა და მხარეებს ომის დასრულებისკენ მოუწოდა.
„ახლო აღმოსავლეთში ომიდან სარგებელს რუსეთი იღებს. ესკალაცია უნდა დასრულდეს“, - განაცხადა ევროკავშირის უმაღლესმა წარმომადგენელმა.
