„მეწარმეთა შესახებ“ საქართველოს კანონის თანახმად, 2022 წლის 1 იანვრამდე რეგისტრირებული საწარმოები ვალდებულნი არიან, საწარმოს ან/და ფილიალის სარეგისტრაციო მონაცემები 2026 წლის 1 აპრილამდე მოიყვანონ ახალი კანონის მოთხოვნებთან შესაბამისობაში. აღნიშნული ვალდებულება არ ვრცელდება ინდივიდუალურ მეწარმეებზე და არასამეწარმეო (არაკომერციულ) იურიდიულ პირებზე. ვადის გახანგრძლივება არ იგეგმება.

საქართველოს საბანკო ასოციაცია შეგახსენებთ, რომ კანონის თანახმად, საწარმოს მიერ ზემოაღნიშნული ვალდებულების შეუსრულებლობის შემთხვევაში, მას უჩერდება რეგისტრაცია და ეზღუდება საბანკო მომსახურება, რაც მოიცავს საბანკო ანგარიშის მართვის, ახალი ანგარიშის გახსნის, ანგარიშზე არსებული თანხის განკარგვის, კრედიტის აღების შესაძლებლობის შეზღუდვას.

საწარმოებს ვთხოვთ, გაითვალისწინონ აღნიშნული გარემოება და დროულად უზრუნველყონ სარეგისტრაციო მონაცემების ახალი კანონის მოთხოვნებთან შესაბამისობაში მოყვანა, რათა თავიდან იქნეს აცილებული საბანკო მომსახურებასთან დაკავშირებული შეფერხებები.

შეკითხვების შემთხვევაში გთხოვთ დაუკავშირდეთ იუსტიციის სახლის ცხელ ხაზს ნომერზე 032 2 405 405 ან ეწვიოთ ვებგვერდს my.gov.ge.

(R)