“თანასწორობის ინსტიტუტის” წარმომადგენლები პარლამენტის თავმჯდომარე დავით ბაქრაძის სახლთან საპროტესტო აქციას მართავენ.

ახალგაზრდები დავით ბაქრაძეს გადადგომისა და ქვეყნის დაცვისკენ მოუწოდებენ.

მათ სიმბოლურად აგვისტოს ომის პერიოდში ბაქრაძის განცხადების – “ყველა შეიარაღდით თოხებით, ბარებით და დაიცავით საქართველო”; - საპასუხოდ; პარლამენტის თავმჯდომარის სახლთან თოხები, ბარები და დანა-ჩანგლები მიიტანეს.

მათვე გააკეთეს წარწერები; - “დავით, გადადექი”.

“თანასწორობის ინსტიტუტის” წევრის ცოტნე ზურაბიანის განცხადებით,; დღეს ხშირად ესმით ქართული ტელევიზიებიდან, რომ რუსის ჯარი თავს ესხმის საქართველოს და ამის საპასუხოდ გამართეს აქცია, რათა ბაქრაძეს გააგებინონ, რომ საქართველოს დაცვა სჭირდება.

აქციის მონაწილეები ბაქრაძეს ქართველი ხალხის გვერდში დგომისკენ მოუწოდებენ.