ჩინეთის საგარეო საქმეთა სამინისტროს განცხადებით, პეკინი აშშ-სა და ირანს შორის ცეცხლის შეწყვეტის შესახებ შეთანხმებას მიესალმება.

უწყების პრესსპიკერმა მაო ნინმა განაცხადა, რომ ჩინეთი მხარს დაუჭერს პაკისტანისა და სხვა მხარეების მიერ მხარეებს შორის შუამავლობის მცდელობებს.

„ჩინეთმა, თავის მხრივ, ძალისხმევა გაიღო“, - განაცხადა პრესსპიკერმა და დასძინა, რომ ჩინეთის საგარეო საქმეთა მინისტრმა ვან იმ 26 სატელეფონო საუბარი გამართა კოლეგებთან შესაბამისი ქვეყნებიდან.

ცნობისთვის, აშშ-ის პრეზიდენტმა დონალდ ტრამპმა „ფრანს-პრესთან“ სატელეფონო ინტერვიუში განაცხადა, რომ სჯერა, ჩინეთმა მნიშვნელოვანი როლი ითამაშა ირანის მოლაპარაკებების მაგიდასთან მიყვანაში.

„მესმის, რომ კი“, - უპასუხა ტრამპმა, როდესაც ჰკითხეს, მონაწილეობდა თუ არა პეკინი თეირანის დარწმუნებაში, რომ ზავის შესახებ მოლაპარაკებებში ჩართულიყო.