ირანის სასურველი ზოგადი პრინციპების მიღებით შეთანხმებული ცეცხლის შეწყვეტა ჩვენი დიდი მოწამე ლიდერის, ხამენეის, სისხლის ნაყოფი და მთელი ხალხის ადგილზე ყოფნის მიღწევა იყო, - ამის შესახებ ირანის პრეზიდენტი მასუდ პეზეშკიანი სოციალურ პლატფორმა X-ზე წერს.

მისი თქმით, ირანი ერთიანობას შეინარჩუნებს.

„დღეიდან ჩვენ ერთად დავრჩებით. იქნება ეს დიპლომატიის სფერო, თავდაცვის სფერო, ქუჩა თუ მომსახურების მიწოდების სფერო“, - აცხადებს ირანის პრეზიდენტი.

მანამდე, ცეცხლის შეწყვეტის შესახებ შეთანხმებაზე კომენტირებისას ირანის პირველმა ვიცე-პრეზიდენტმა მუჰამედ რეზა არეფმა X-ზე დაწერა, რომ „ირანის ერა დაიწყო“, ხოლო ირანის ეროვნული უსაფრთხოების უმაღლესმა საბჭომ განაცხადა, რომ აშშ-მა „უდავო, ისტორიული და გამანადგურებელი მარცხი განიცადა“.