აფხაზეთში რუსეთის მოქალაქე ოლგა სიტდიკოვას 17 წლით თავისუფლების აღკვეთა მიუსაჯეს. ამის მიზეზი აფხაზეთის ტერიტორიაზე დიდი ოდენობით ნარკოტიკული საშუალებების შეტანა გახდა.
რუსული მედიის ცნობით, რუსეთის მოქალაქეს პატიმრობასთან ერთად, 400 ათასი რუსული რუბლის ოდენობის ჯარიმის გადახდაც დაეკისრა. ჩხრეკის შედეგად, ფეხმძიმეს, რომელსაც სამი მცირეწლოვანი შვილი ჰყავს, 294.157 გრამი ნარკოტიკული ნივთიერება მეთადონი აღმოაჩნდა.
აღსანიშნავია, რომ მისი მეუღლე თებერვალში, დიდი ოდენობით ნარკოტიკების გასაღების საქმეზე გაასამართლეს.