სირიისთვის თანამედროვე ტიპის შეიარაღების გადაცემა რეგიონში რისკებს გაზრდის, - ამის შესახებ ისრაელის პრემიერმინისტრმა ბენიამინ ნეთანიაჰუმ ვლადიმერ პუტინთან სატელეფონო საუბრისას მას შემდეგ განაცხადა, რაც რუსეთისა და სირიის პრეზიდენტებმა სირიისთვის C-300-ის ტიპის საზენიტო სარაკეტო კომპლექსის გადაცემის საკითხი განიხილეს.
ნეთანიაჰუს თქმით, ამავდროულად, ისრაელი განაგრძობს რეგიონში საკუთარი ინტერესების დაცვას უსაფრთხოების სფეროში. ისრაელის პრემიერმინისტრმა კიდევ ერთხელ გამოხატა თანაგრძნობა 17 სექტემბერს სირიის მიერ ჩამოგდებული „ილ-20“-ის ჩამოვარდნის შედეგად რუსი სამხედროების გარდაცვალების გამო. ნეთანიაჰუმ მომხდარზე პასუხისმგებლობა სირიის არმიას დააკისრა.
შეგახსენებთ, რომ რუსეთის თავდაცვის მინისტრის განცხადებით, რუსეთი სირიის შეიარაღებულ ძალებს C-300-ის ტიპის საზენიტო სარაკეტო კომპლექსს გადასცემს.