სომხეთის ყოფილმა პრეზიდენტმა რობერტ ქოჩარიანმა, რომელსაც 2008 წელს კონსტიტუციური წყობის დამხობაში ედება ბრალი, ქვეყნის პრემიერ-მინისტრი ნიკოლ ფაშინიანი საჯარო ცილისწამებაში დაადანაშაულა და მის წინააღმდეგ სასამართლოში სარჩელი შეიტანა. ამის შესახებ „ტასს“ ქოჩარიანის ადვოკატმა არამ ორბელიანმა განუცხადა.
„პრემიერ-მინისტრი ნიკოლ ფაშინიანი საჯარო გამოსვლებში 2008 წლის 1 მარტის მოვლენებთან დაკავშირებით რობერტ ქოჩარიანის პატივისა და ღირსების შემლახველ განცხადებებს აკეთებდა. ამის გამო ქოჩარიანმა სასამართლოში სარჩელი შეიტანა და ითხოვს საკუთარი პატივისა და ღირსების საჯაროდ გამოთქმული ცილისწამებისგან დაცვას“, - განაცხადა ორბელიანმა.
შეგახსენებთ, რომ ფაშინიანმა ქოჩარიანი 2008 წლის 1 მარტის საპროტესტო აქციების ჩახშობის დროს „10 ადამიანის მკვლელობის ორგანიზებაში“ დაადანაშაულა.