პერუში ავტოსატრანსპორტო შემთხვევის შედეგად 7 ადამიანი დაიღუპა და 15 მძიმედ დაშავდა. ამის შესახებ ადგილობრივი მედია წერს.
ავტობუსი ქალაქ კუსკოდან ქალაქ სანტო-ტომასში მიემართებოდა, როდესაც საპირისპირო მიმართულებით მოძრავ ავტომობილს შეეჯახა და 200 მეტრის სიმაღლიდან ხრამში გადავარდა.
ავტობუსის 6 მგზავრი ადგილზე, 1 კი საავადმყოფოში გარდაიცვალა. დაშავებულები საავადმყოფოებში გადაიყვანეს, მათ შორის 3 ბავშვია.
პოლიცია ავტოსატრანსპორტო შემთხვევის გარემოებებს იძიებს.