ზესტაფონის მერიის შენობაში ოთხი მოქალაქე მეორე დღეა შიმშილობს. მოქალაქეები ზესტაფონის მერის კახაბერ მახათაძის თანამდებობიდან გადადგომას და სამსახურში აღდგენას ითხოვენ. მოქალაქეები ამბობენ, რომ ადრე ადგილობრივ თვითმმართველობაში იყვნენ დასაქმებული.

„ხელისუფლებას ვთხოვთ, მოაშოროს ზესტაფონს მახათაძე. წინააღმდეგ შემთხვევაში, ჩვენ შევეწირებით ამ საქმეს”,-განუცხადა „ინტერპრესნიუსს“ აქციის ერთ-ერთმა მონაწილემ გიორგი გოგლიჩიძემ.

აღნიშნულ საკითხზე ზესტაფონის მერი კახაბერ მახათაძე მოგვიანებით განცხადების გაკეთებას გეგმავს.