წყნეთი-კიკეთის გზაზე ავტობუსის ხაზი აღდგება

წყნეთი-კიკეთის გზაზე ავტობუსის ხაზი აღდგება. აღნიშნულ საკითხზე თბილისის მუნიციპალიტეტის საკრებულომ დღევანდელ სხდომაზე იმსჯელა.

2014 წლის შესაბამის დადგენილებაში შესული ცვლილების მიხედვით, წყნეთი-კიკეთის გზაზე # 81 ავტობუსი ივლის, # 5 ავტობუსის ნაცვლად.

როგორც საკრებულოს იურიდიულ საკითხთა და ადამიანის უფლებათა კომისიის თავმჯდომარე ლევან ჟორჟოლიანმა განაცხადა, ბეთანიის გზის რეაბილიტაცია დასრულდა და საჭირო გახდა ავტობუსის დანიშვნა.

"წყნეთი-კიკეთის გზაზე ავტობუსი იქნება. ეს გამოწვეულია იქიდან, რომ ბეთანიის გზის რეაბილიტაცია დასრულდა, რომელიც სტიქიის დროს ჩამოიშალა. შესაბამისად, საჭირო გახდა დამატებითი M3 კატეგორიის ავტობუსის დანიშვნა. როგორც კიკეთის, ასევე წყნეთის მცხოვრებლებს და დამსვენებლებს საშუალება ექნებათ, რომ ამ ავტობუსით იმგზავრონ. ამაზე გამოყოფილია შესაბამისი სახსრები", - განაცხადა ჟორჟოლიანმა.

მისივე თქმით, აღნიშნულ ხაზზე ერთი ავტობუსი ივლის.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს