ტყიბულის მუნიციპალიტეტის სოფელ დაბაძველში საცხოვრებელი სახლი დაიწვა. როგორც „ინტერპრესნიუსს“ დაზარალებულებმა განუცხადეს, ცეცხლი ღამით საბძელს გაუჩნდა, რის შემდეგაც სახლს გადაედო და სრულად დაიწვა.

როგორც დაზარალებული მირანდა ქარქაშაძე ამბობს, სახანძრო სამსახური შემთხვევის ადგილზე საათნახევრის დაგვიანებით მივიდა.

დაზარალებულები აცხადებენ, მათი 5 სულიანი ოჯახი ამ დროისთვის ღია ცის ქვეშ დარჩა.