ლევან დავითაშვილი „ომეგა ჯგუფზე“ - პოლიტიკური სპეკულაციების ჭრილში საკითხის გადატანა არავის მისცემს საშუალებას, რომ სახელმწიფოს მიმართ არსებული ვალდებულებები აიცილოს
პოლიტიკური სპეკულაციების ჭრილში საკითხის გადატანა არავის მისცემს საშუალებას, რომ სახელმწიფოს მიმართ არსებული ვალდებულებები თავიდან აიცილოს, - ამის შესახებ გარემოს დაცვის და სოფლის მეურნეობის მინისტრმა ლევან დავითაშვილმა „ომეგა ჯგუფის“ ირგვლივ განვითარებული მოვლენების კომენტირებისას განაცხადა.
მისივე თქმით, საბიუჯეტო ვალდებულებების შესრულება არავის ეპატიება.
„გავრცელებული ფარული ჩანაწერები, ალბათ, ყველას უჩენს კითხვებს, მთელ საზოგადოებას, მათ შორის მათი ავთენტურობაც. იცით, რომ იყო განცხადებები, რომ შეიძლება ეს ჩანაწერები იყოს დამონტაჟებული. ზოგადად, ამ საკითხში მთავარია, რომ საბიუჯეტო ვალდებულებების შესრულება არავის ეპატიება და ეს არის მკაფიო, სწორი განცხადება. პოლიტიკური სპეკულაციების ჭრილში საკითხის გადატანა არავის მისცემს საშუალებას, რომ თავიდან აირიდოს ის ვალდებულებები, რომელიც მას სახელმწიფოს მიმართ გააჩნია“, - განაცხადა ლევან დავითაშვილმა.
