„თანხის გატანასთან დაკავშირებით, ნატო ჩხეიძემ ირიბად დაადასტურა სხვა პირების მხრიდან მომდინარე ინფორმაცია. იგი კონკრეტულ ფაქტს შესწრებული არ არის, - ამის შესახებ „ომეგა ჯგუფის“ საქმის პროკურორმა გიორგი ოსაძემ საქალაქო სასამართლოში ნატო ჩხეიძის გამოკითხვის შემდეგ ჟურნალისტებს განუცხადა. „ომეგა ჯგუფის“ დამფუძნებელი თბილისის საქალაქო სასამართლოში მოსამართლის თანდასწრებით თითქმის 4 საათის განმავლობაში იკითხებოდა.

„დღეს ბრალდების მხარის შუამდგომლობის საფუძველზე მოსამართლის წინაშე დაიკითხა მოწმე ნატო ჩხეიძე, რომელსაც დაესვა ყველა ის შეკითხვა, რაც აინტერესებდა გამოძიებას. თანხის გატანასთან დაკავშირებით, ნატო ჩხეიძემ ირიბად დაადასტურა სხვა პირების მხრიდან მომდინარე ინფორმაცია. იგი კონკრეტულ ფაქტს შესწრებული არ არის. მოწმეების მიერ დაფიქსირებული ინფორმაციის საფუძველზე იგეგმება სხვა საგამოძიებო მოქმედებების ჩატარება“, - განაცხადა გიორგი ოსაძემ.