აჭარის ავტონომიური რესპუბლიკის უმაღლესი საბჭოს საფინანსო-საბიუჯეტო და ეკონომიკურ საკითხთა, საკონსტიტუციო, იურიდიულ და საპროცედურო საკითხთა, ადამიანის უფლებათა დაცვის საკითხთა კომიტეტების სხდომებზე „აჭარის ავტონომიურ რესპუბლიკაში განათლების ხელშეწყობის შესახებ“ კანონპროექტი განიხილეს.

როგორც „ინტერპრესნიუსს“ აჭარის ავტონომიური რესპუბლიკის უმაღლესი საბჭოდან აცნობეს, დეპუტატებს საკითხი მისმა ავტორმა, უმაღლესი საბჭოს წევრმა ვლადიმერ მგალობლიშვილმა წარუდგინა.

უმაღლესი საბჭოს ცნობით, კანონპროექტის მიზანია: სამეცნიერო-კვლევითი საქმიანობისა და ინფრასტრუქტურის განვითარების, ზოგადი, პროფესიული და უმაღლესი განათლების, სახელოვნებო და არაფორმალური განათლების, სკოლისგარეშე სასპორტო განათლების, ინკლუზიური განათლების ხელშეწყობა და განათლების ხელმისაწვდომობის გაზრდა.

კომიტეტებმა, ხმათა უმრავლესობით, საკითხის ბიუროს სხდომაზე განხილვას მხარი დაუჭირეს.