გერმანიის ქალაქ კიოლნში მძევლის აყვანის ინციდენტთან დაკავშირებით ახალი დეტალები გაირკვა. არსებული ინფორმაციით, მამაკაცმა აფთიაქში მძევლად ქალი აიყვანა.

როგორც ტელეარხი n-tv იუწყება, პოლიცია აღნიშნულ მამაკაცთან მოლაპარაკებებს აწარმოებს. „ბოროტმოქმედი ჯერ კიდევ აფთიაქში იმყოფება. მას მძევლად ჰყავს აყვანილი ქალი. ჩვენ კონტაქტზე გავედით დამნაშავესთან და მასთან მოლაპარაკებებს ვაწარმოებთ“, - განაცხადა პოლიციის წარმომადგენელმა.

გერმანიის პოლიცია მოსახლეობას მოუწოდებს, რკინიგზის სადგურის მიმდებარე ტერიტორიაზე გადადგილებისგან თავი შეიკავონ. ადგილზე მობილიზებულნი არიან სამართალდამცველები.

იხილეთ ვიდეო: ქალაქ კიოლნის რკინიგზის სადგურის ტერიტორიაზე მძევლები აიყვანეს