შემაშფოთებელია რეალობის ინსცენირების ის მცდელობები, რომელიც „ომეგა ჯგუფისგან“ ბოლო პერიოდის განმავლობაში გვესმის, - ამის შესახებ საქართველოს ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა განაცხადა.

„ყველამ დავინახეთ, რომ ეს არის სერია მოდელირებული რეალობის, იმ სურვილის, რომელიც კიდევ ერთხელ ჩავარდა. ძალიან კარგად ვიცით, რომ არც წამება, არც ბიზნესის დაყაჩაღება და დატერორება საქართველოში არ ხდება. ჩვენ გვქონდა დრო, როდესაც 300 ათასი პრობაციონერი გვყავდა და ეს არ არის მხოლოდ ციფრები, ეს არის 300 ათასი ოჯახი; როდესაც ღამის საათებში სახელმწიფოს თუ სხვადასხვა მოხელეს ჩუქნიდნენ ქონებას. ყოველგვარი ჩანაწერების და მედიასაშუალებების ძალისხმევის გარეშე ყველამ იცის, რომ დღეს ეს რეალობა არ გვაქვს“, - აღნიშნა მაია ცქიტიშვილმა.