გორში, გოგებაშვილის ქუჩაზე 1 135 236 ლარის ღირებულების სარეაბილიტაციო სამუშაოები მეოთხე თვეა მიმდინარეობს.

როგორც „ინტერპრესნიუსს“ გორის მუნიციპალიტეტის მერიიდან აცნობეს, პროცესს ადგილობრივი ხელისუფლების წარმომადგენლები გაეცნენ. პროექტი გოგებაშვილი ქუჩის მონაკვეთის (კახნიაშვილის ქუჩიდან 26 მაისის სანაპირომდე), საკათედრო ტაძრის მიმდებარე მოედნისა და საკანალიზაციო ქსელის მოწყობას ითვალისწინებს. სამუშაოებს, რომლებსაც შპს „შარა“ აწარმოებს, ადგილობრივი ბიუჯეტისა და რეგიონებში განსახორციელებელი პროექტების ფონდის თანადაფინანსებით ახორციელდება.

„უკვე მოეწყო საკანალიზაციო ქსელი, რომლის არარსებობა დღემდე პრობლემებს უქმნიდა გოგებაშვილის ქუჩის მოსახლეობას. სამუშაოები წლის ბოლოს დასრულდება. მე-2 საჯარო სკოლასთან, რომელიც აღნიშნულ ქუჩაზე მდებარეობს, ადგილობრივი ბიუჯეტის სახსრებით მოეწყობა სიჩქარის შემზღუდავი ბარიერებიც. რამდენიმე თვეში ჩვენს ქალაქს კიდევ ერთი ლამაზი ქუჩა შეემეტება“, - განაცხადა გორის მუნიციპალიტეტის მერმა კონსტანტინე თავზარაშვილმა.