საქართველოს საკონსტიტუციო სასამართლოში, სასამართლოს თავმჯდომარემ ზაზა თავაძემ ადვოკატთა ასოციაციის თავმჯდომარეს დავით ასათიანს და ასოციაციის აღმასრულებელ დირექტორს გიორგი ჭახანს უმასპინძლა.

როგორც „ინტერპრესნიუსს“ საკონსტიტუციო სასამართლოდან აცნობეს, შეხვედრას გაცნობითი ხასიათი ჰქონდა, რომლის ფარგლებშიც საუბარი შეეხო საკონსტიტუციო სასამართლოს როლს დემოკრატიული და სამართლებრივი სახელმწიფოს განმტკიცების პროცესში და მის მიერ მიღებულ გადაწყვეტილებებს.

მათივე ინფორმაციით, მხარეებმა ასევე განიხილეს საკონსტიტუციო სასამართლოსა და ადვოკატთა ასოციაცის ერთობლივი პროექტების განხორციელების პერსპექტივა, კერძოდ, სასამართლოს მეგობრის ინსტიტუტის გამოყენების შესაძლებლობა ადვოკატთა ასოციაციის მიერ საკონსტიტუციო სამართალწარმოებაში.