ამბროლაურის მუნიციპალიტეტს სამი თანამედროვე ტიპის ავტობუსი მოემსახურება.

როგორც „ინტერპრესნიუსს“ ამბროლაურის მუნიციპალიტეტის მერიიდან აცნობეს, ავტობუსები ექსპლუატაციაში უკვე შევიდა. თითოეული სატრანსპორტო საშუალება 2018 წლის მოდელია და 26 მგზავრზეა გათვლილი. მათივე ინფორმაციით, ახალი ავტობუსები დადგენილი გრაფიკის შესაბამისად იმოძრავებს და მგზავრებს საშუალებას მისცემს მინიმალურ ფასად, კომფორტულად გადაადგილდნენ მათთვის სასურველი მიმართულებით. ამბროლაურის მუნიციპალიტეტის თვითმმართველობის მიზანია ტრანსპორტით მომსახურების დაფარვის ზონა მაქსიმალურად იქნას უზრუნველყოფილი მთელ ტერიტორიაზე.