უფლისციხის მუზეუმ-ნაკრძალში, კლდიდან გადმოვარდნილ რვა წლის ბავშვს სიცოცხლისთვის საშიში დაზიანება არ აღენიშება.

ბავშვი, რომელიც ესტონეთის მოქალაქეა, უფლისციხის ძეგლ-ნაკრძალის ტერიტორიაზე 8 მეტრი სიმაღლიდან გადმოვარდა.

პაციენტი კლინიკა ,,გორმედში" პოლიტრავმითაა მოთავსებული. კლინიკის ექიმების - დავით გასიტაშვილის და კახა ფაცინაშვილის განცხადებით, პაციენტს ჩაუტარდა ყველა ტიპის გამოკვლევა, მათ შორის კომპიუტერული ტომოგრაფია. ამ ეტაპზე მდგომარეობა სტაბილურია, სიცოცხლისთვის საშიში დაზიანება არ აღინიშება. მათივე თქმით, მიმდინარეობს პაციენტზე დაკვირვება. ექიმების განცხადებით, ბავშვს თბილისში, ბავშვთა საავადმყოფოში გადმოიყვანენ.