ბორის პაიჭაძის სახელობის ეროვნულ სტადიონს მფლობელი შეეცვალა.

როგორც `ინტერპრესნიუსს~ თბილისის მერიიდან აცნობეს, ამჟამად ეროვნული სტადიონი მერიის დაქვემდებარებაშია გადასული და მის ბალანსზე ირიცხება.

`ეროვნული სტადიონი შპს `დინამო ინვესტს~ ეკუთვნოდა, რომელმაც თავისი ნებით ხელშეკრულება მიმდინარე წლის მაისში გააუქმა. ჯერჯერობით ახალი მფლობელი გამოვლენილი არ არის და იგი მერიის ბალანსზე ირიცხება. მერია ეროვნული სტადიონის ახალი დირექტორის დანიშვნას უახლოეს პერიოდში აპირებს~, _ აცხადებენ თბილისის მერიაში.

ბორის პაიჭაძის სახელობის ეროვნულ სტადიონი მის მფლობელს შპს `დინამო ინვესტს~ 2006 წელს 25 წლიანი იჯარით გადაეცა. სტადიონის დირექტორი გოჩა ზასოხოვი იყო.