ევროპის ოლიმპიური კომიტეტის პრეზიდენტი პატრიკ ჰიკი ხვალ ბაკურიანს ეწვევა და ქართველი ოლიმპიელის ნოდარ ქუმარიტაშვილის ოჯახს მოინახულებს. ამის შესახებ ~ინტერპრესნიუსს~ საქართველოს ოლიმპიური კომიტეტის პრესსამსახურში განუცხადეს.

;“დელეგაცია ბაკურიანს, დაახლოებით, 11:00 საათისთვის ეწვევა. ისინი ქუმარიტაშვილების ოჯახს ესტუმრებიან და ნოდარ ქუმარიტაშვილის საფლავს ყვავილებით შეამკობენ~, - განაცხადეს პრესსამსახურში.

;აქვე აღნიშნეს, რომ დელეგაცია ასევე დაათვალიერებს ტერიტორიას, სადაც საციგაო ტრასის აშენება იგეგმება.

;დელეგაციის შემადგენლობაში ევროპის ოლიმპიური კომიტეტის პრეზიდენტი პატრიკ ჰიკი, საერთაშორიო საციგაო ფედერაციის პრეზიდენტი იოზეფ დენტი, თურქეთის ოლიმპიური ფედერაციის პრეზიდენტი თოგაი ბაიათლი, ასევე უკრაინის, ავსტრიისა და ლატვიის საციგაო ფედერაციების წარმომადგენლები შედიან.;

საქართველოს ოლიმპიური ნაკრების წევრი, მოციგავე ნოდარ ქუმარიტაშვილი უისტლერის ოლიმპიურ ტრასაზე სავარჯიშო დაშვების დროს 12 თებერვალს დაიღუპა.;

ხვალ მისი გარდაცვალებიდან 40 დღე სრულდება.