"საქართველოს ლატარიის კომპანიის" "ლოტო 6/49"-ის დღევანდელი გათამაშება, ხვალისთვის გადაიდო.

ამის შესახებ განმარტება გათამაშების წამყვანმა ოთარ ტატიშვილმა, პირდაპირ ეთერში გააკეთა.

"საქართველოს ლატარიის კომპანიაში" აცხადებენ, რომ ბილეთების ბეჭვდის შეფერხება გარე ტექნიკურმა პრობლემებმა გამოიწვია და მოსახლეობას ამისთვის, ბოდიშს უხდიან.

კომპანიის გადაწყვეტილებით, დღევანდელი გათამაშება ხვალისთვის გადაიდო და ბილეთების გაყიდვაც, ხვალ გაგრძელდება.

ამასთან, "ლატარიის კომპანიაში" აღნიშნავენ, რომ ხვალინდელ გათამაშებაში ჩვეულბრივ ჩაერთვება დღევანდელი გათამაშებისთვის უკვე შეძენილი ბილეთები.

"ლოტო 6/49"-ის გათამაშება ხვალ, 21.50 საათზე, ტელეკომპანია "იმედისა" და "რუსტავი 2"-ის პირდაპირ ეთერში გაიმართება. ბილეთების ბეჭვდის პროცესი დაახლოებით ორი საათის წინ შეფერხდა.