საქართველოს თავდაცვის ექსმინისტრი თენგიზ კიტოვანი იმედოვნებს, რომ რუსეთი მას აფხაზეთს არ გადასცემს.

"აფხაზებისათვის ჩემი გადაცემის თხოვნა აბსურდია. ომი აფხაზებმა დაიწყეს, ეს მათ გახსნეს ცეცხლი", _ განუცხადა საქართველოს თავდაცვის ექსმინიტრმა, რუსულ გამოცემა "ვზგლიდს".

ყოფილმა მინისტრმა, ასევე, დააზუსტა, რომ 1992 წლის აგვისტოში ქართული შეიარაღებული ძალები აფხაზეთში რკინიგზის დასაცავად შევიდნენ.

კიტოვანის თქმით, თუ საერთოდ შესაძლებელია აფხაზებისთვის ვინმეს გადაცემაზე საუბარი, ეს პროცესი საქართველოს ექსპრეზიდენტ ედუარდ შევარდნაძით უნდა დაიწყოს, ვინაიდან იგი მაშინ საქართველოს მთავარსარდალი იყო.

თენგიზ კიტოვანი აფხაზეთისა და ე.წ. სამხრეთ ოსეთის დაკარგვისთვის საქართველოს ხელისუფლებას აკრიტიკებს.

"საქართველო მალე დაიშლება და ყველაფერზე პასუხი სააკაშვილს მოეთხოება", _ აღნიშნავს საქართველოს თავდაცვის ექსმინისტრი, რომელიც მოსკოვში ცხოვრობს.

რუსეთის მიერ აფახზეთისთვის თენგიზ კიტოვანის გადაცემის მოთხოვნით სოხუმის რეჟიმის ლიდერს, სერგეი ბაღაფშს "აფხაზმა ომის ვეტერანებმა" მიმართეს.