ცნობილი იტალიელი დიზაინერები დოლჩე და გაბანა შემოსავლების დაფარვისა და გადასახადების გადაუხდელობის გამო სასამართლოს წინაშე წარსდგებიან.

"იტარ-ტასის" ცნობით, მილანის პროკურატურამ გამოძიების დასრულებისა და საქმის სასამართლოსთვის გადაცემის შესახებ ოფიციალურად განაცხადა. დიზაინერების წინააღმდეგ საქმის გამოძიება ორი წლის წინ დაიწყო.

გავრცელებული ინფორმაციით, დოლჩე და გაბანა ლუქსემბურგში ობშორული ზონის შექმნაში მონაწილეობდნენ. იტალიის გარეთ მათ დაახლოებით მილიარდი ევრო გაიტანეს. გარდა ამისა, მათ ბრალად ედებათ საკუთარი აქტივების საბაზროზე დაბალ ფასად გაყიდვა ლუქსემბურგში.

დიზაინერებს ოფიციალური კომენტარი ჯერ არ გაუკეთებიათ.