სამართალდამცველებმა ირინა ბათიაშვილი დააკავეს
სამართალდამცავებმა ირაკლი ბათიაშვილის შვილი ირინა ბათიაშვილი დააკავეს.
როგორც "ინტერპრესნიუსს~ ორგანიზაცია "ყოფილი პოლიტპატიმრები - ადამიანის უფლებებისათვის" ხელმძღვანელმა ნანა კაკაბაძემ განუცხადა, ირინა ბათიაშვილი იმ დროს დააკავეს, როდესაც ის პარლამენტის შენობის წინ დაგეგმილ აქციაში მონაწილოების მისაღებად მიდიოდა.
ირინა ბათიაშვილი ამჟამად დიღომში, პოლიციის წინასაწარი დაკავების იზოლატორშია გადაყვანილი.
აქცია აგვისტოს ტრაგედიის შესახებ გადაღებული ფილმის პრეზენტაციასთან დაკავშირებით პარლამენტის შენობასთან იგეგმებოდა, თუმცა პოლიციამ აქცია დასაწყისშივე აღკვეთა. აქციის მონაწილეებს ეკავათ სხვადასხვა შინაარსის პლაკატები, მათ შორის: "აგვისტოს დღეები სააკაშვილისთვის დღესასწაულია, საქართველოსთვის კი ტრაგედია". დაკავებულია ასევე ლაშა ჩხარტიშვილი და თეონა ქარდავა.
