"Myvideo.ge" საავტორო უფლებების ლიცენზიას ყიდულობს
საქართველოს საავტორო უფლებათა ასოციაციასა და ინტერნეტპორტალ "Myvideo.ge"-ს შორის ხვალ სალიცენზიო შეთანხმება გაფორმდება.
ლიცენზიის საფუძველზე, ინტერნეტპორტალზე განთასვებული ფილმები, მუსიკა და სხვა პროდუქცია საავტორო უფლებებით იქნება დაცული. მისი განთავსებისთვის ინტერნეტპორტალი საავტორო ჰონორარს გადაიხდის, რასაც ასოციაციის მეშვეობით ავტორები მიიღებენ.
საავტორო უფლებათა ასოციაციის მიზანია, ლიცენზირებულმა პროდუქციამ ჩაანაცვლოს მდარე ხარისხის, უკანონო და არალიცენზირებული პროდუქცია ქართულ ინტერნეტ გვერდებზე, რაც საბოლოოდ ხელს შეუწყობს ქართული ინტერნეტსივრცის ლეგალიზაციას და ვებ-გვერდებზე ლიცენზირებული პროდუქციის განთავსებას.
ლიცენზიას ხელს მოაწერენ საქართველოს საავტორო უფლებათა ასოციაციის თავმჯდომარე გიგა კობალაძე და "Myvideo.ge"-ს დირექტორი მამუკა მონავარდისაშვილი. ხელმოწერის ღონისძიება ხვალ, 12:00 საათზე "საქპატენტის" ოფისში შედგება.
v-if="article.gallery" v-html="article.gallery"
