იტალიელი მომღერალი ტოტო კუტუნიო დღეს გლდანის პარკში კონცერტს გამართავს.

როგორც "ინტერპესნიუსს" გლდანი-ნაძალადევის რაიონის გამგებელმა, ნოდარ სანდუხაძემ განუცხადა, უფასო კონცერტი, რომელიც შობის დღესასწაულთან დაკავშირებით იმართება 19.00 საათზე დაიწყება.

იტალიელი მომღერალი საქართველოში ორმა კერძო კომპანიამ ჩამოიყვანა, თბილისის მერიამ კი, კონცერტის სცენისა და ტექნიკური მხარის უზრუნველყოფა განახორციელა.

ტოტო კუტუნიო საქართველოში 2007 წლის ივლისშიც იმყოფებოდა.