ყვარელში "ნაციონალური მოძრაობიდან" კენჭს მარიკა ვერულაშვილი იყრის
საქართველოს პარლამენტის თავმჯდომარე დავით ბაქრაძემ ყვარლის რაიონის მაჟორიტარობის კანდიდატად მარიკა ვერულაშვილი წარადგინა.
როგორც "ინტერპრესნიუსის" კორესპონდენტი იუწყება, პარლამენტის თავმჯდომარემ ადგილობრივებს ვერულაშვილი ყვარლის სანერგე მეურნეობაში წარუდგინა.
"ძალიან მიხარია, რომ მაქვს პატივი, წარმოვადგენდე ამ რაიონს საკანონმდებლო ორგანოში. მე მინდა, რომ ყველაფერი გავაკეთო იმისთვის, რომ თითოეულმა ყვარლელმა გლეხმა და აქ მაცხოვრებელმა ოჯახმა, რაც შეიძლება მეტი სიკეთე იგრძნოს იმ პროექტებისგან, რაც დღეს მთავრობის პრიორიტეტია. ეს არის დასაქმება, სოფლის მეურნეობა და ჯანდაცვა", - დასძინა მარიკა ვერულაშვილმა.
დავით ბაქრაძემ დღესვე "ნაციონალური მოძრაობის" მაჟორიტარობის კანდიდატებად ახმეტაში პეტრე ცისკარიშვილი, თელავში კი - ვასილ დავითაშვილი წარადგინა.
v-if="article.gallery" v-html="article.gallery"
