გლდანის ციხესთან სტუდენტების საპროტესტო აქციას პატიმრები შეძახილებით ეხმაურებიან. ისინი სკანდირებენ - "გაუმარჯოს საქართველოს". როგორც "ინტერპრესნიუსის" კორესპონდენტი იუწყება, სასჯელაღსრულების დაწესებულებიდან ბრახუნის ხმები, ასევე, მსჯავრდებულებს საკნის ფანჯრებიდან გადმოფენილი აქვთ სხვადასხვა ნაჭრები, ცხვირსახოცები და სავარაუდოდ, მაისურები.

აქციის მონაწილეებმა კიდევ ერთხელ მოითხოვეს ბაჩო ახალაიას სისხლის სამართლებრივი პასუხისმგებლობაში მიცემა. ასევე, როგორც აქციის მონაწილეებმა განაცხადეს, აქვთ ინფორმაცია, რომ პატიმრებს ისევ გაუსაძლის პირობებში უწევთ ყოფნა.