თბილისის მერიისა და საქართველოს მწერალთა კავშირის ორგანიზებით, ნიკოლოზ ბარათაშვილის სახელობის ლიტერატურული კონკურსი – "მერანი" იმართება. თბილისის მერიის კულტურული ღონისძიებების ცენტრის ინფორმაციით, კონკურსი უკვე მეოთხე წელია ტარდება, რომელშიც მონაწილეობა 16-დან 35 წლამდე ახალგაზრდა პოეტებს შეუძლიათ. ჟიურის მიერ მოწონებული ნაწარმოებები დაიბეჭდება კრებულში – "მერანი".

კონკურსში გამარჯვებული საუკეთესო ლექსების ავტორისთვის დაწესებულია პირველი პრემია "მერანი" _ 1000 ლარის ოდენობით და ოთხი წამახალისებელი პრემია 500-500 ლარი.

საზეიმო დაჯილდოება 4 დეკემბერს, ნიკოლოზ ბარათაშვილის დაბადების დღეს გაიმართება. ჟიურის თავმჯდომარეა პოეტი ჯანსუღ ჩარკვიანი.