რუსეთის დესპანს საქართველოში ალექსანდრე სმაგას საქართველოს საგარეო საქმეთა სამინისტროს მიერ ოფიციალური დოკუმენტი გადაეცა, რომლის მიხედვითაც საქართველომ რუსეთთან ყოველგვარი დიპლომატიური ურთიერთობა შეწყვიტა.

ამის შესახებ თავად სმაგამ განაცხადა, რომელმაც საგარეო საქმეთა სამინისტრო რამდენიმე წუთის წინ დატოვა.

როგორც მან აღნიშნა, ეს არის კიდევ ერთი შეცდომა საქართველოს მხრიდან, რომელიც ურთიერთობების დარეგულირებისაკენ არ მიისწაფის. სმაგას განცხადებით, რუსეთის საელჩო საქართველოში ფუნქციონირებას ხვალიდან წყვეტს.