სასჯელაღსრულებისა და პრობაციის სასწავლო ცენტრში ტრეინინგი - "მსჯავრდებულთა მომზადება გათავისუფლებისათვის" იმართება. სასჯელაღსრულების, პრობაციისა და იურიდიული დახმარების სამინისტროს პრესსამსახურის ინფორმოაციით, სასჯელაღსრულებისა და პრობაციის სასწავლო ცენტრში 28 მაისს ტრენინგი დაიწყო, თემაზე: "მსჯავრდებულთა მომზადება გათავისუფლებისათვის".

ტრენინგის ძირითად მიზანს წარმოადგენს მონაწილეთათვის იმ პრაქტიკული უნარ-ჩვევების გამომუშავება, რომლებიც დაეხმარებათ მათ პატიმრებთან მუშაობის წარმართვაში მათი გათავისუფლებისათვის მოსამზადებლად.

სწავლება ხორციელდება წამების მსხვერპლთა ფსიქოსოციალური და სამედიცინო რეაბილიტაციის ცენტრის (GCRT) ექსპერტთა მიერ შემუშავებული პროგრამით.

ტრენინგში მონაწილეობას იღებენ სასჯელაღსრულების სისტემის სოციალური სამსახურის მუშაკები, ფსიქოლოგები და პრობაციის ოფიცრები.

ეს პირველი შემთხვევაა ცენტრის ისტორიაში, როდესაც პრობაციის ოფიცრები და სასჯელაღსრულების სისტემის თანამშრომლები ერთობლივ სწავლებას გადიან პატიმართა გათავისუფლების თემაზე. სწავლების აღნიშნული ფორმატი ხელს შეუწყობს რეაბილიტაციის პროცესის უწყვეტობას.

სწავლება ორ ეტაპად განხორციელდება. ტრენინგი პირველი ჯგუფისთვის 2013 წლის 31 მაისს დასრულდება, ხოლო მეორე ჯგუფისთვის - ივნისის თვეში ჩატარდება.