რუსუდან შარაძე გურამ შარაძის მკვლელობაში მონაწილე პირებს ასახელებს
რუსუდან შარაძე გურამ შარაძის მკვლელობაში მონაწილე პირებს ასახელებს. დღეს გამართულ საგანგებო ბრიფინგზე რუსუდან შარაძემ განაცხადა , რომ გურამ შარაძის საქმეში უმნიშვნელოვანესი მოწმეა ყოფილი პოლიციელი და მეგის ქარდავას დაქვემდებარებაში მყოფი პირი გურიკა ქადარია. მისი განცხადებით, სწორედ მას დავაალა მეგის ქარდავამ გურამ შარაძის მკვლელობა.
"გურამ შარაძის მკვლელობის სისრულეში მოსაყვანად მეგის ქარდავამ გურიკა ქადარიას უბრძანა ზუგდიდიდან თბილისში ორი სპეცრაზმელის- გიას ფაჩულიას და თემურ ჯგერენაიას გადაყვანა. ესენი არიან ის სპეცრაზმელები, რომლებსაც მეგის ქარდავას გეგმის მიხედვით, მამაჩემი უნდა მოეკლათ. მეგის ქარდავამ გურიკა ქადარიას წინასწარ 5 000 დოლარი გადაუხადა", - განაცხადა რუსუდან შარაძემ.
იგი მოითხოვს დაიკითხოს მის მიერ დასახელებული ყველა პირი და ახლად აღმოჩენილი გარემოებების საფუძველზე, დაიწყოს გურამ შარაძის მკვლელობის ხელახალი გამოძიება. რუსუდან შარაძე ასევე მოითხოვს, რომ მის მიერ დასახელებული მოწმის, გურიკა ქადარიას სიცოცხლე და უსაფრთხოება შესაბამისი უწყებების მიერ იყოს დაცული.
გურამ შარაძე 2007 წლის 20 მაისს თბილისის ცენტრში მოკლეს.
v-if="article.gallery" v-html="article.gallery"
