სადაზღვევო კომპანიამ "არდი" სადაზღვევო სფეროსთვის მობილური განმარტებითი ლექსიკონის აპლიკაცია - ,,არდიპედია" გამოუშვა. "არდიპედია" პირველი მობილური, არაკომერციული სადაზღვევო აპლიკაციაა , რომელიც შექმნილია სპციალურად იმ ადამიანებისთვის, რომლებიც სადაზღვევო კომპანიებთან კლიენტების, პარტნიორების ამპლუაში ან თუნდაც სადაზღვევო, საფინანსო ან საბანკო სექტორში მუშაობენ. ასევე, ეს აპლიკაცია ონლაინ-სახელმძღვანელოა იმ სტუდენტებისათვის, რომლებიც სადაზღვევო საქმეს სწავლობენ.

აპლიკაციაში შესულია 700-ზე მეტი სადაზღვევო ტერმინის განმარტება. საძიებო სისტემაში შესაძლებელი იქნება უცხო სიტყვის/ტერმინის მოძებნა როგორც ქართულ, ისე ინგლისურ ენებზე. ვინაიდან, ძალიან ხშირია როდესაც ესა თუ ის სადაზღვევო ტერმინი გამოიყენება მისი ლათინური თარგმანით, რაც კიდევ უფრო ართულებს ჩვენთვის მნიშვნელოვანი სადაზღვევო დოკუმენტების წაკითხვას - იქნება ეს სადაზღვევო შეთავაზება, პოლისი თუ ხელშეკრულება. შესაბამისად, აპლიკაციის ორენოვანი საძიებო სისტემა ძალიან აიოლებს უცხო ტერმინების განმარტების მოძიებას და გაცნობას.

დღეიდან ნებისმიერ ადამიანს უკვე შეუძლია დააინსტალიროს "არდიპედია" სმარტფონებში, როგორც Apple Store-დან, ასევე ანდროიდის მარკეტებიდან (Play Store).

სადაზღვევო კომპანია არდი პრიორიტეტს ანიჭებს საგანმანათლებლო პროექტებს. მისი დაფინანსებით სადაზღვევო სფეროში პირველი ქართული სახელმძღვანელო ,,სადაზღვევო საქმე" უკვე გამოიცა.

აღსანიშნავია ის ფაქტი, რომ საქართველოში დაზღვევის სფეროს 20 წლიანი განვითარების ისტორია აქვს, თუმცა აქამდე არც ერთი შემეცნებითი თუ საგანმანათლებლო პროექტი არ დაფინანსებულა.

არდიში მიიჩნევენ, რომ სახელმძღვანელობისა და მობილური ელექტრონული ბიბლიოთეკების გამოცემა ხელს შეუწყობს სადაზღვევო კულტურისა და ცოდნის ამაღლებას ქართულ საზოგადოებაში, რაც ქვეყნისთვის ძალიან მნიშვნელოვანია.

"არდი" მსგავსი საგანმანათლებლო პროექტების დაფინანსებას მომავალშიც გეგმავს.

(R)