დღეს ცნობილი გახდა, რომ გორის სახელმწიფო სასწავლო უნივერსიტეტის ბიბლიოთეკიდან უნიკალური წიგნები დაიკარგა. არსებული ინფორმაციით, წიგნების დაკარგვის ფაქტი ბიბლიოთეკის თანამშრომლებმა შენიშნეს , რის შემდეგაც უნივერსიტეტში წიგნის ფონდის აღწერა დაიწყო.

როგროც "ინტერპრესნიუსის" კორესპონდენტი იუწყება, აღძრულია სისხლის სამართლის საქმე, თუმცა აღწერის დასრულებამდე, ქურდობის ფაქტთან დაკავშირებით კონკრეტულ კომენტარს ვერ აკეთებენ.

"მომხდართან დაკავშირებით, დაწყებულია გამოძიება. რაც შეეხება დაკარგული წიგნების რაოდენობას და იმას, კონკრეტულად წიგნადი ფონდის რა ნაწილია დაკარგული, აღწერის დასრულებამდე დაზუსტებით ვერაფერს გეტყვით",-განაცხადა გორის სახელმწიფო სასწავლო უნივერსიტეტის საზოგადოებასთან ურთიერთობის სამსახურის ხელმძღვანელმა  ანი იმნაძემ.