ნაძალადევის გამგეობა 100 ჩასასვენებლის შეძენას გეგმავს. შესაბამისი ტენდერი რაიონის მუნიციპალიტეტმა დღეს გამოაცხადა.

სატენდერო პირობების მიხედვით, ჩასასვენებელი სტანდარტული ზომის და წიფლის უნდა იყოს გამოკრული სარჩულით. კუბოებთან ერთად დაგეგმილია იგივე რაოდენობის სუდარის შესყიდვა.

როგორც სატენდერო დოკუმენტაციაშია მითითებული, კუბოების შეძენა ნაძალადევის რაიონის ტერიტორიაზე მცხოვრები უმწეო და გაჭირვებული გარდაცვლილი მოქალაქეებისთვის ხდება.

კუბოებს გამგეობა ტენდერში გამარჯვებული კომპანიიდან მოთხოვნისთანავე, ეტაპობრივად – 2015 წლის 31 დეკემბრამდე მიიღებს.