ოთარ მეღვინეთუხუცესის ძეგლის ავტორი მომხდარს ვანდალიზმს უწოდებს

თბილისში, 9 აპრილის ბაღში, ოთარ მეღვინეთუხუცესის ძეგლთან საპატრულო პოლიცია მუშაობს. მსახიობის ძეგლის ავტორი ლევან ვარდოსანიძე ძეგლის სანახავად სულ რამდენიმე წუთის წინ მივიდა. როგორც ვარდოსანიძე აცხადებს, შეუძლებელია წარწერა თავისით ჩამოვარდნილიყო. მისივე განცხადებით, ეს არის ვანდალური ქმედება.

"როგორ შეიძლება გუშინ გახსნილი ძეგლი დღეს ასე ვანდალურად დააზიანონ. ცნობილი მსახიობის, ოთარ მეღვინეთუხუცესის მტრობა ჩემთვის გაუგებარია. წარწერა, რომელიც მოგლეჯილია, ძვირფასი ლითონის არ არის", - განაცხადა ლევან ვარდოსანიძემ და დასძინა, რომ ამ წარწერაზე მუშაობა საკმაოდ რთული იყო. მისივე განცხადებით, ოთარ მეღვინეთუხუცესის ოჯახისთვის ეს ძალიან მძიმე ფაქტია.

9 აპრილის ბაღში, მსახიობ ოთარ მეღვინეთუხუცესის ძეგლი, სავარაუდოდ, წუხელ დააზიანეს. კვარცხლბეკზე გაკეთებული წარწერა - "ოთარ მეღვინეთუხუცესი" მთლიანად მოგლეჯილია.

იხილეთ ვიდეო: ოთარ მეღვინეთუხუცესის ძეგლი გახსნის დღესვე დააზიანეს

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს