ოთარ მეღვინეთუხუცესის ძეგლის დაზიანების ფაქტზე გამოძიება დაიწყო
თბილისში, 9 აპრილის ბაღში, მსახიობ ოთარ მეღვინეთუხუცესის ძეგლის დაზიანების ფაქტზე შინაგან საქმეთა სამინისტრომ გამოძიება დაიწყო.
როგორც "ინტერპრესნიუსს" შსს-ში განუცხადეს, გამოძიება სისხლის სამართლის კოდექსის 187-ე მუხლითაა დაწყებული, რაც ნივთის დაზიანებას ან განადგურებას გულისხმობს.
თბილისში, 9 აპრილის ბაღში, მსახიობ ოთარ მეღვინეთუხუცესის ძეგლი დააზიანეს. კვარცხლბეკზე გაკეთებული წარწერა - "ოთარ მეღვინეთუხუცესი" მთლიანად არის მოგლეჯილი. როგორც "ინტერპრესნიუსს" 9 აპრილის ბაღის დაცვის თანამშრომლებმა განუცხადეს, წარწერა მათ ამ დილით იპოვეს. მათივე ინფორმაციით, სავარაუდოდ, ძეგლი გუშინ, გვიან ღამით დააზიანეს.
როგორც თბილსიის მერიის უსაფრთხოების სამსახურის უფროსმა ვალერი პაპიაშვილმა განაცხადა, დედაქალაქის მერია ოთარ მეღვინეთუხუცესის ძეგლის დაზიანებულ ნაწილს უმოკლეს ვადაში აღადგენს.
იხილეთ ვიდეო: ოთარ მეღვინეთუხუცესის ძეგლი გახსნის დღესვე დააზიანეს
v-if="article.gallery" v-html="article.gallery"
